“Lume e rebelión” no novo videoclip de Rebeliom do Inframundo

“Lume e rebelión” no novo videoclip de Rebeliom do Inframundo

, 27 de enero de 2016

Rebeliom do inframundo tráenos o seu novo traballo. A ritmo de lume e rebelión preséntase o novo vídeo musical dun dos grupos máis contundentes en directo do panorama hip-hop de Galicia.

O tema Lume forma parte do primeiro traballo da editora Lingua Nativa, que nos propón unha selección de artistas con nexos comúns; dous deles, o hip-hop e a similitude lingüística (raíces galego-portuguesas).

Neste novo vídeo, realizado por Alberto Lora, vemos a Nervo á fronte dun colectivo que nos propón rebelarnos contra a comodidade. Un manifesto a prol do espertar do pobo fronte ás manipulacións e enganos da sociedade actual.

Un vídeo que da moita guerra e no que nos incitan a acordar e dar un paso á fronte contra a opresión social que unha minoría dominante nos quere impor. Espectacular o retorno de Rebeliom do inframundo. As súas rimas seguen estando ben afiadas após un tempo sen presentar material.

De forzas tamén van sobrados como demostran neste novo vídeo. Versos frescos con temática crúa, os MCs non se deixan amolar nesta mostra de poder poético e social. Máis rebeldes e máis inframundiais ca nunca, Rebeliom do inframundo non se achican ante ninguén.

AÑADIR COMENTARIO