Preséntanos Víctor Boullon, amparado no seno editorial de DEMO, unha nova proposta de banda deseñada xuvenil coa aventura como principal reclamo, sabéndoo enmarcar nun contexto histórico tan interesante coma o dos primeiros anos de existencia da Catedral de Santiago, do Mestre Mateo e ó, naquela época vixente, conflito entre Braga e Compostela.

Unha estraña morte na Catedral serve como pretexto argumental para introducir en sociedade a Aleida, unha xove e intrépida rapaza cunha grande querenza pola investigación e sen medo no corpo.

Unha historia que ten como principal virtude o comedido e concreto da sua proposta, ofrecendo unha aventura xuvenil, perfectamente contada e que nos deixa un bo sabor de boca e coa esperanza de poder ver mais aventuras de Aleida.

Moi interesante coma proposta de lectura xuvenil e case indispensable nas bibliotecas de centros académicos.

Só dispoñible en galego.